娜姐「搵食」獵野豬激男友

近期忙於在內地拍劇的「宅男女神」周秀娜，難得回港即性感出席活動。與男友陳偉成（Avis）聚少離多的娜姐，毫不擔心對方出軌，更揚言：「聖誕我都會去獵食！」

周秀娜昨日以露背低胸透視裙出席活動，俯身替一名男士剃鬚時酥胸半露，現場氣溫急升。娜姐上圍明顯比之前縮水，問到是否跌Cup？她否認：「可能我拍劇要扮男人，紮胸紮得多！（細咗？）冇度過，不過唔使換內衣。可能內地太凍，所以縮咗！」她回港一天便要返回上海工作，會爭取時間與男友Avis見面，並要親手為他剃鬚：「等佢靚仔啲去Party！（唔擔心佢去獵食？）唔擔心！聖誕我都會去獵食！喺嗰邊冇火雞，睇吓獵唔獵到啲野豬返嚟！」她透露工作密麻麻，未有富二代追求。

大方畀自由Avis

娜姐指與Avis小別勝新婚，雖然每天都會通電話，但不會要求對方報告行蹤。問到會否如張馨予般要求男友交出私人密碼？她笑言：「我唔會咁小器喎！」而問到寸嘴模何佩瑜承認隆胸一事，娜姐表示每人的喜好及選擇不同，但語帶譏諷地說：「我扮男仔成日都扮到腰痠背痛，希望佢小心腰骨，最緊要負擔到！」