奇洛李維斯早前親自來港揀蟀，吸引不少本港演員參加試鏡，除了女主角爭持激烈外，男演員亦爭個你死我活！當日有份試鏡的房祖名表示，未有介懷落選，他昨日接受電話訪問時說：「好坦白講，我都未必接呢套戲，因為接與唔接對我嚟講都未必加分，亦唔係我事業嘅里程碑，我去試鏡純粹為見奇洛一面，影張合照，我當日見到佢好開心！」另外，據知曾有份試鏡的歐陽靖及周俊偉，則異口同聲表示不就此事作回應。