麥貝夷珍惜馴良寶貝兔
養兔經驗達六、七年的樂壇新人麥貝夷（Karene），現在擁有兩隻寶貝Cupid和Bunny，她說：「Cupid今年八個月大，佢好活躍，成日四圍跑，我好鍾意同佢玩追逐。而Bunny就係朋友移民送畀我，因為佢已經九歲，兔仔嚟講壽命已經好長，我好珍惜同佢一齊嘅時間。」
問到為何對兔仔情有獨鍾，她說：「因為兔仔好馴良、可愛，有佢哋喺屋企個人都開心啲。」對於養兔仔有何秘技，她表示兔仔一日食兩餐乾糧，早、晚各一餐：「最重要喺個籠廿四小時放草同水，問過寵物醫生，佢話草同水入到兔仔個胃，會產生作用自動變成營養補給畀兔仔，所以呢兩樣先係最重要。」Karene表示閒時會到花園街的寵物店買新鮮的草給兩位活寶貝享用。
Karene抱着九歲的Bunny甜笑，愛不釋手。
Karene十分懷念已過身的兔仔寶寶。
對於只得八個月大的Cupid，麥貝夷會格外小心照顧。