William「種票」一人廿身份撐阿Sa

陳偉霆(William)及張智霖昨日出席《新城勁爆頒獎禮2011》活動,問到William是否準備好聖誕禮物送給女友蔡卓妍(阿Sa)?他笑說:「未有時間買,仲係好賴皮。(諗好?)應該送保暖衫褲。」對女友瞭如指掌的William說:「知佢首獨唱歌入到『叱咤二十大』,好戥佢開心,一陣返去都要投佢一票,仲要開幾廿個新用戶去投。(要身份證登記?)問晒所有朋友攞。」記者取笑他不惜一切幫女友,William說:「要瞓身支持。」

至於張智霖(Chilam)成功入選《新城勁爆男歌手》五強,因新城每年都派逾百個獎,Chilam說:「愈多愈好啦!我最希望可以攞男歌手獎。」

William瞓身支持阿Sa,擺明趁機氹女友啦!

Chilam攞獎多多益善,攞男歌手獎乃最大目標。