多嘴何韻詩唔怕做炮灰

何韻詩昨日出席《新城勁爆頒獎禮2011》活動,提到在Facebook鬧爆《叱咤頒獎禮》一事,她說:「今日係新城點解講叱咤?(出席叱咤頒獎禮?)幾年前都唔係太參與呢個遊戲,講到2012世界末日,我想做啲開心嘅嘢,暫時未知去唔去,但會一視同仁。」

對於熱爆歌《癡情司》未能打入「叱咤二十大」,阿詩說:「呢個係其次,整個樂壇好唔團結,睇到好多嘢好唔舒服。(咩唔舒服?)或者唔適合我玩啦!眼不見為乾淨,好多嘢睇唔過眼。(唔驚冇女歌手獎?)唔太重要,已經唔係追求呢啲嘢!不過考慮到公司立場,唔係我個人利益。(有冇人叫你收口?)冇,好多人都想講,只怪我多嘴。(炮灰?)唔在乎就冇所謂。」

阿詩彈樂壇不團結,並不在乎獎項得失。