糖妹日做18粒鐘冇時間獵仔
組合糖兄妹成員糖妹出道至今，被形容貌似陳慧嫻，她日前抵死地以對方的造型出席活動。將於聖誕節開騷的糖妹表示，近期忙於綵排：「我呢排真係好忙，又要為無綫主持節目。（成功入屋？）都係，喺街都好多人認得自己，都希望多啲人識同聽到糖兄妹嘅音樂。」
由於糖妹早前表示要努力「獵物」，問到是否已成功？她失望地說：「冇啦！每日工作成十八小時，邊有時間搵嗰啲（指搵男友）。（搵圈外人做男友？）其實半個圈中人會好啲，好似幕後人咁，起碼知道我做緊乜同會明白我。」她又坦言恨拍拖：「廿幾歲都冇拖拍。」
