鍾一憲醉倒商場剝埋底褲

新人歌手鍾一憲（Jason）與麥貝夷（Karene）以情侶檔推出合唱歌後工作漸增，提到聖誕派對飲醉往事，Jason自爆曾經飲醉後在商場內除褲，現在想起都怕怕！

鍾一憲（Jason）與麥貝夷（Karene）組成情侶檔後，知名度增加，憑合唱歌《勾手指尾》紅爆網絡！提到聖誕節將近，他們透露今年會以情侶檔身份一同度過，Jason更自爆入行前試過在聖誕節飲醉，並在商場內除褲：「飲完酒嗰陣我已經企唔穩，我哋行到商場嘅時候，我無啦啦跑去前面除咗自己條褲，仲要係連埋底褲一齊除！諗番起都驚！」他謂當時已醉到斷片，故不知自己在商場中的大膽行為，幸好當時商場內途人不多，但自此甚少飲醉酒。

Karene攬住人喊

Karene謂曾見過Jason飲醉酒，幸好當時他只是不停講英文及普通話，沒有脫掉褲子。大情大性的她亦試過飲醉酒喊至崩潰：「我係咁攬住人不停咁喊，講嘢又語無倫次，嗰次之後都好少出去飲酒，費事出醜！」