周志文飛甩細孖Date女談情

「巨聲幫」孖仔周志文及周志康樣貌似到十足，曾發生不少趣事。感情要好的兩子，提到拍愛情片即「變臉」，大孖笑言要飛甩細孖，單飛「約會女仔」！

參加《超級巨聲》入行的孖仔周志文及周志康一直「連體」發展，他們直認是好事，因行內甚少孖胎藝人，希望可殺出血路。兩兄弟早前拍攝《潛行狙擊》及《法證先鋒III》獲讚，問到往後想拍哪類片種？兩子表示想拍愛情劇，細孖志康說：「自己鍾意睇愛情故事，覺得好浪漫，希望自己可演繹出嚟感動觀眾！」大孖志文則不介意飛甩細孖，獨自上陣「識女仔」，問到是否想拍激情戲？他說：「唔使住，純情啲先，一步一步嚟！」

兩兄弟外形幾乎一樣，每日都被錯認，問到可曾發生趣事？志文說：「讀書嗰陣搭車，有個陌生中年人係咁同我講嘢，原來佢係細孖學校嘅校工，我就聽到好多關於細孖嘅秘密喇！」其實兩人性格不同，大孖志文較活躍多言，細孖志康則斯文單純，志文說：「個樣都有分別，我左邊下巴有癦，細佬就右邊下巴有癦。」

唔羨慕細佬拍拖

早前志康與女友的合照被翻炒，他表示感情事想低調，因怕影響身邊人：「拍咗拖兩年，其實Fans都知，好在今次女友冇唔開心。」他坦言不擔心再有親密照流出，因根本沒有影過。志文則透露現在單身，亦不羨慕細孖有拖拍，提到擇偶條件，他說：「冇定o架！最緊要合眼緣。」