譚凱琪大時大節變乖女
有線藝人譚凱琪（Zoie）未有拍拖，但今年聖誕節仍不愁寂寞，將會在工作中與同事度過。她表示不會因節日而希望拍拖：「以前細個都會計劃聖誕節去邊度玩、同朋友點慶祝，但近呢幾年可能自己成熟咗，一切都以工作為優先。愛情呢啲要隨緣，要出現嘅就自然會嚟，冇得強求。」相反，Zoie十分重視傳統的中國節日，爭取與家人一起度過：「過農曆年、做冬，我堅持要同家人一齊過，因為平時工作好忙，好少同家人相聚，咁喺呢啲傳統日子就係一個最好嘅機會做個乖乖女。」2012年將至，回顧2011年令她感到最開心的事，便是身邊不少朋友拉埋天窗，戥她們高興！
向來重視傳統節日的Zoie，堅持與家人同度農曆新年。