葉慧婷母情人3P過聖誕

創作歌手葉慧婷自爆為專心發展事業而狠心與拍拖數年的男友分手，但今個聖誕仍絕不孤單，皆因將在台上表演與粉絲及家人倒數迎聖誕，一齊普天同慶！

新進創作歌手葉慧婷最愛聖誕，因為可以感受溫馨與浪漫的節日氣氛，但今年卻冇情人相伴！原來慧婷早前為了專注事業，狠心揮慧劍斬情絲，她說：「入行前我有一位已經拍拖幾年嘅男友，佢係我嘅中學同學，但為咗可以專心事業而同佢講分手，其實當時大家都好Hurt！（仲有冇同佢見面？）之後大家都冇聯絡！（覺得可惜？）我相信真心愛我嘅人會等我！」問到會否期待浪漫聖誕節，慧婷笑說：「兩個人喺屋企煮飯、睇戲已經好浪漫，但最好對方識得將全屋都點上蠟燭啦！其實我好想天寒地凍行沙灘，因為可以攬實對方取暖！」

今年聖誕，慧婷要在工作度過，但為爭取與家人共度佳節的機會，特別邀請母親做「跟得媽咪」，她說：「媽咪獨力養大我同妹妹，所以好希望大時大節都可以三個人一齊過。雖然今年聖誕我要表演，但會邀請佢哋做台下觀眾！」

做義工助露宿者

雖然來自單親家庭，但慧婷卻經常向他人宣揚愛的訊息及發放正能量，早前還做義工向露宿者派月餅，她說：「我見到佢哋好心噏，因為成日都要捱餓！」愛心爆棚的她今年聖誕特別推出一張立體聖誕卡造型的唱片《Merry Christmas With Love拉闊愛》，並打算把20%收益撥捐食物銀行，其中更反傳統錄製一首搖滾版聖誕歌《搖滾聖誕夜》。