松岡李那浪漫夜做足安全措施

樂壇組合Girls Kingdom成員兼日籍模特兒松岡李那形象性感，其實十分抗拒一夜情，並呼籲香港女生聖誕節要小心，被侵犯時要大叫「唔好」！不過，如果遇上真愛，她也不介意共度一個浪漫晚上，但一定會做足「安全措施」！

平日常以性感造型出席活動的松岡李那，性格開放，難免令人誤會她對性也一樣隨便，她說：「其實我好抗拒一夜情，覺得好Cheap，但唔係話人Cheap，因為係人哋自由，不過我一定唔會，因為冇需要，亦接受唔到！」

聖誕將至，李那提醒女生一定要保護自己，當被男仔灌酒時，一定要識拒絕！她呼籲女生要堅強，被人強行侵犯要識得講「唔好」！不過，她認為女生如果遇到真心喜歡的對象，絕對不妨和他度過一個浪漫的夜晚，發生關係也無不可，但一定要識做足「安全措施」！

家人讚男友靚仔有型

李那自言聖誕節未必可以與男友共度，因為她要回到日本為晚宴擔任嘉賓，表演她最喜歡的唱歌：「我隊組合Girls Kingdom下年會出碟，我希望可以用中文寫歌詞！我又學緊結他，希望可以做一個好好嘅歌手！」在日本長大的李那全程以英語加廣東話接受訪問，非常國際化，她自爆來港發展後，花了不少心機去學中、英文，希望與香港Fans溝通，用歌詞表達心中所想。

聖誕節將至，李那希望可與家人及朋友聚會，以及可以帶男友同行，問到可有見過家長？她說：「見過，佢哋好鍾意佢，覺得佢好醒，又靚仔有型！」此外，她想在家中睇動漫：「我其實係一個宅女，好鍾意睇《龍珠》、《男兒當入樽》、《少年Jump》！我對電腦好熟，好叻呀！」說到動漫，她雙眼興奮得發光，非常搞笑，難怪她可以俘虜一眾宅男！

場地：Lan Kwai Fong Entertainment