龔嘉欣姚子羚甜品姊妹花

無綫小花姚子羚(Elaine)及龔嘉欣(Katy)向來感情深厚,她們對整甜品都情有獨鍾,日前相約齊齊學整朱古力迎聖誕,向朱古力大師王艷炫偷師!原來Katy閒時都會整甜品給親友品嘗:「最難試過整豆腐花,整咗大半日,自己磨豆,一定要撞得啱先會成功,最後我撞到第七兜先搞掂!」

縱然兩女平時鍾愛食甜品,但先天「瘦底」,食極都唔肥,令人羨慕!同樣熱衷整甜品的Elaine曾為前男友學整法拉利蛋糕:「之前個男友好鍾意車,想做畀佢當生日禮物,特登去買法拉利書搵相,再用鉛筆起草稿,整咗成晚!」但她很少在家整甜品,通常在外面上堂學,若遇疑難可即時向師傅請教。

姚子羚(左)及龔嘉欣跟王艷炫師傅學整朱古力,手勢似模似樣!