曹敏莉湊B變靚媽

曹敏莉的女兒轉眼間5個月大，女兒快高長大，曹敏莉亦回復昔日苗條身段，湊B不假手於人的她笑說：「湊BB就係最好嘅Keep Fit方法。」

第二年擔任「慧妍雅集」副會長的曹敏莉，近日除了忙於湊BB，亦要籌備明年2月舉行、一年一度的慈善步行籌款活動《昂步健康行212愛一愛》，適逢明年是「慧妍雅集」成立30周年的大日子，5月更會假君悅舉行大型慈善晚宴。

曹敏莉工作繁忙但仍會落手落腳湊BB，問到可會感到吃力？她說：「唔會，參與慧妍之後去探訪，覺得更加要珍惜自己所擁有嘅嘢，幫到人比自己享受更開心。大家好體諒我有時要湊BB開唔到會，特別係好敬佩王愛倫同陳紫蓮（港姐之母），唔係佢哋帶頭，我都未必會咁投入。」曹敏莉表示產後迅速收身，也是多得愛女：「依家可以着番以前啲衫，希望再減5至8磅，都冇特別做運動，只係飲食均衡，其實落手落腳湊BB已經係最好嘅減肥方法。」

唔想錯過囡囡成長

問到現時有女萬事足，會否再活躍幕前演出？她說：「依家自己湊BB，睇住佢大得好快，五個月大已經着緊一歲嘅衫，唔想錯過佢嘅成長時間，自己都好享受湊BB嘅過程，暫時以家庭為先，要時間配合到同埋有好劇本先考慮，暫時未放得低個女。」

場地：EL CID 西班牙餐廳