周秀娜師妹韋彤 過酸溜溜聖誕

周秀娜師妹、組合「LemonBeez」成員韋彤(Waye,前名江怡)與聖殷(CoCo)早前炮製檸檬蛋糕,揚言要過一個酸溜溜的聖誕,Waye更預告聖誕節會拒絕男性友人約會,實行請一班追求者食檸檬!

韋彤(Waye)與聖殷(CoCo)今年組成「LemonBeez」俘虜宅男,Sell可愛青春的她們自言平日最愛檸檬,日前還相約落手落腳炮製以檸檬為主題的蛋糕預祝聖誕節,完全難不倒識飲識食的她們!

花名「檸檬彤」

雖然聖誕節應該要過得甜甜蜜蜜,但Waye與CoCo竟然指聖誕節應要有酸溜溜的感覺,揚言會邀請身邊女性朋友搞檸檬派對,要一班朋友在聖誕節請另一半食檸檬!

Waye自爆請人食檸檬已屬家常便飯,次數多不勝數,經常拒絕朋友和男士的約會,更笑言「生人勿近」,她說︰「依家要做嘢,成日都唔得閒,通常啲朋友約我都Say No,搞到好似冇男仔埋身咁!」Waye笑言因為經常拒絕約會,而有了「檸檬彤」的花名,問到會否擔心今年要過Lonely X'mas?她淡定地說︰「唔擔心,聖誕節都唔一定要有男仔陪,如果有男仔約,我都會請佢哋食檸檬,我會叫CoCo陪我,大家可以一齊食住檸檬過聖誕!」

聖殷邀齊浸浴

至於CoCo因剛從澳洲讀完書返港,在香港的朋友不多,所以很少請人食檸檬,她笑言想一嘗請人食檸檬的滋味,她說︰「之前都有聽朋友講過咩係請人食檸檬,朋友當然有試過啦!不過自己好少咁做。」貪靚的她表示檸檬可以養顏,笑言聖誕節應該浸一個檸檬浴,問到會否跟愛人一起浸?她即指會邀請Waye,而男士則免問。

專案組

韋彤(左)與聖殷夾手夾腳炮製檸檬蛋糕,整完即刻食!

韋彤(左起)曾與師姐周秀娜等出席活動,性感上陣!(資料圖片)

「傑作」面世,韋彤與聖殷舉起勝利手勢,看來對作品非常滿意!

韋彤已相約聖殷向男孩子大派檸檬。