焦媛開騷壓力大

焦媛、陳健豪和黃嘉威正忙於籌備音樂劇導賞演唱會，焦媛坦言演唱會難度比起演舞台劇更甚，令到她壓力很大。

舞台劇演員焦媛、陳健豪和黃嘉威已有多次合演舞台劇經驗，相當有默契。最近籌備演出《Threedom音樂劇導賞演唱會》，希望透過歌曲和音樂，導賞觀眾投入舞台畫面的世界。焦媛表示預備演唱會時感到壓力：「因為舞台劇有劇本跟住去做，但演唱會以歌會友，要透過歌曲導賞觀眾投入舞台，我哋會用番以往演出過舞台劇中出現過嘅歌曲，帶佢哋去舞台畫面，最重視現場氣氛，如果寫定台詞去講又覺得好硬，要預計得好好。」

揀歌格外小心

陳健豪則透露揀歌方面格外小心，因要兼顧觀眾情緒和應，Run Down不可以一面倒情歌和慢歌：「我哋首要係喺之前演出過嘅舞台劇，有啲歌可能我哋好鍾意但又冇唱到，又有一啲好深刻嘅都會唱。啲歌有導賞元素喺度，令觀眾知道我哋點解咁鍾意音樂劇，帶番佢哋去我哋之前嘅演出畫面。」

三人當中，黃嘉威是最具歌唱經驗的一位，他曾在就讀演藝學院期間任酒廊歌手達六年，但他表示較難的地方是要配合Live Band演出：「因為音樂劇同舞台劇要配合成本問題，都好少會用現場樂隊，所以今次我哋要用較多時間去綵排，時間較長，所以要邀請Band Leader李健來港負責音樂總監一職。」