單身傅嘉莉 懷念往日Sweet

模特兒傅嘉莉經常出埠工作，有機會到不同國家過聖誕，最浪漫的聖誕節是兩年前在英國度過，她今年將會去韓國工作過聖誕，再到菲律賓享受熱辣辣的聖誕假期！

單身的傅嘉莉（Kelly）今年要度過Lonely Christmas，今次會在韓國過聖誕，到當地工作兼旅行。不過人靚自然多追求者，她說：「依家嘅時間畀工作同朋友霸佔晒，雖然仍然會畀心機工作，但都好Enjoy有人追。」韓國之旅後，她計劃再與朋友到菲律賓繼續過熱辣辣的聖誕假期：「好期待到時可以過喺沙灘曬太陽嘅聖誕假，最好曬到一身古銅色！」

不過提到最浪漫的聖誕，Kelly要數兩年前跟朋友到英國旅行，她興致勃勃地表示，當時她與「好友」及一對情侶旅行：「當時同朋友去咗慶祝，仲有煙花放，尤其英國嘅節日氣氛好濃厚，嗰一刻好似拍緊戲，好感動、好浪漫，特別覺得身邊人好靚仔。」她一邊講，一邊流露出甜絲絲的笑容，相信那個聖誕一定很Sweet！

香港氣氛勝日本

經常到外地工作的Kelly很喜歡日本，亦曾經在日本過元旦，不過氣氛與香港截然不同，她說：「日本嘅新年即係元旦，全部人都返晒屋企過年，倒數嘅時候街上一個人都冇，同香港差好遠。」