軒仔哮喘病發 過白車聖誕

張敬軒今年平安夜將連趕兩場，出席完廣州一個聖誕晚會，再到深圳參與聖誕倒數活動，應無暇品嘗聖誕大餐，惟有提前吃日式聖誕餐補償一下。軒仔自爆曾因哮喘病發，聖誕佳節要在醫院中度過！

軒仔樂於過年過節頻頻接Job搵銀，而他喜歡聖誕多於農曆新年：「聖誕節感覺後生仔啲。」談及聖誕節，軒仔表示每年都堅持送一份禮物給自己作獎勵：「行街買嘢最開心，唯一唔開心係會『買大咗』，呢個情況仲係經常發生，今年未買，有啲手緊。」他自爆最「病態」的是有一年聖誕，買了不同大小的聖誕老人公仔擺設來布置家居，更瘋癲到將一個個天使公仔掛在廳中，雖然全屋瀰漫着聖誕氣氛，但媽咪受不了，說害怕公仔半夜會四圍走來嚇她，令他哭笑不得！

老外鄰居請食火雞

談及開聖誕派對，軒仔表示最開心是前兩年的聖誕節，相約了容祖兒和蔡卓妍一班好友來家中開派對，每人限買一份價值十元的禮物來交換。他已忘記買了甚麼禮物，只記得抽到一個放香蕉的盒，笑爆全場！

軒仔透露因現在居住的地方較寬敞，能夠招呼朋友，回想剛來港發展的日子，朋友不多，便嘗過Lonely X'mas的滋味，鄰居多是外籍人士，對方知他孤家寡人，便請他食火雞應節。至於有否試過度白色聖誕？軒仔笑說：「白色聖誕真係未試過，但『白車聖誕』我就有，嗰年我突然哮喘病發，搞到要入醫院、上埋報紙添！呢個夠晒難忘。」