吳雨霏開 P解獨 踢柏豪出局

吳雨霏今次要度過甩拖後首個聖誕節，還撞正家人外遊過節，所以她索性在家中開狂歡派對。雖然怕變「孤兒女」，但不敢向兩位緋聞男友周柏豪與林德信打主意。

出道以來，吳雨霏（Kary）每年聖誕節都要留港出席音樂頒獎禮，家人亦如往年般已計劃出外過聖誕，她說：「我都好想去！因為未試過白色聖誕嘅滋味。」

雖然要孤獨留港，但她早前親自買聖誕樹回家布置，增添聖誕氣氛，問到可會考慮在家中開聖誕派對，免得過Lonely X'Mas？Kary笑說：「我有諗過呀！聖誕出街我又怕人多，趁今次可以獨霸屋企，又未試過開P，請晒成班朋友嚟玩都幾開心。」問到朋友堆中是否已預緋聞男友周柏豪及林子祥兒子林德信？她說：「唔會啦！呢排已經有好多狗仔隊跟住我，其實唔會影到啲乜，大家放心盡情過節啦！」

自製薑餅派街坊

聖誕派對最開心是交換禮物，但Kary最「難忘」試過抽中眼藥水，一看便知是臨時臨急在便利店買來作禮物，超級冇誠意。講到購物心得，她表示不愛買擺設，反而會選購實用物品或者食物，想過今年自製薑餅作聖誕小禮物給朋友：「送禮物心思好重要，好似聖誕卡就係一份心意嘅表現，以前讀書嗰陣個個學生都有一個聖誕卡收集箱，嗰時我都收到唔少o架！」不過，現今年輕人愛以SMS取代聖誕卡，Kary對此說：「所以如果依家仲有男仔肯送聖誕卡畀我，我都會覺得幾窩心o架！」