劉青雲燒鵝當刀劈

冷面笑匠劉青雲最近又有新搞作,於新片中拿起兩隻道具燒鵝充當武器大放笑彈,還笑言這絕對是繼摺櫈後,另一名留青史的武器。

由影帝劉青雲、梁朝偉及影后周迅主演的英皇電影《大魔術師》,不乏搞笑場面,繼偉仔的道士造型耍木劍後,青雲也化身戰神,手拿道具燒鵝奮勇抗敵。

要名留青史

近年多演文戲的青雲,對於今次能在片中搞笑及動作戲份兼備感到興奮,他說:「呢個係我見過最勁嘅兵器,因為當你打到攰時可以食兩啖補充體力,肯定係繼摺後另一名留青史嘅兵器!(有冇喺屋企攞燒鵝練習?)如果真係咁,相信會畀我老婆掟出街先。」

另外,以往演動作戲份時均狠勁十足的偉仔,今次卻要把功夫及魔術融合,他說:「魔術同功夫好少結合埋一齊,所以好想趁今次畀觀眾知道,魔術其實係睇得又打得嘅。」

影視組

影帝梁朝偉及影后周迅於新片中不乏對手戲,兩人更手拖手一同抗敵。

手執兩隻道具燒鵝的劉青雲紮穩馬步,充分發揮其搞笑本色。