江若琳再戰樂壇開心到喊

江若琳（Elanne）昨日正式加盟新公司，喜獲延續歌星夢，她表示純粹講心不講金，更無意爭做「星煥一姐」，其新歌《你給我力量》於現場首播，Elanne一時感觸淚灑當場。

最近忙於在內地拍劇的Elanne前晚專程返港，出席星煥國際昨日舉行的聖誕派對及簽約儀式，唱片公司首播Elanne的新片主題曲MV，令她感動落淚，還哽咽說：「今日太開心，冇諗過會咁反應，一路以嚟拍好多電影，但我都好鍾意唱歌。」對於有傳加盟費達七位數字，Elanne說：「我講心唔講金，最重要反而係繼續到我嘅唱歌夢。」

唔爭一姐

至於同公司有師姐陳法拉、鍾嘉欣和鄭欣宜，被指爭做「一姐」，Elanne即說：「唔會啦！（欣宜話你有能力做偶像，佢冇？）我都係實力派。（唔爭一姐爭獎？）唱歌係為自己同歌迷，獎係其次。」對於前緋聞男友吳卓羲被張馨予登入微博放床照，她說：「可能真係一時唔小心呢！但打從心底係欣賞吳卓羲，好男人先會咁安心畀私人嘢個女仔。」

此外，席上宣布欣宜獲金唱片銷量，同公司的樂瞳與吳若希也悉心打扮，到場支持Elanne。而農夫則透露已完成巡迴演唱，陸永表示羨慕C君的浪子生活，C君睇新車，他卻睇BB車！