徐靖雯「叫緊胡」拒提舊愛

出爐視帝鄭嘉穎早前被指翻撻前緋聞模特兒女友徐靖雯（Jenny），兩人前晚出席電影首映禮時同場碰面，沒有尷尬更大方合照。提到有關報道，Jenny表示未有看過：「連當事人都唔知，咁可信性有幾高？（影到你買T-back？）啲相應該係幾個月前影嘅，當時仲着緊夏天衫。同佢嘅緋聞已經係好舊嘅事，唔想再講。（驚男友周子揚嬲？）唔係！依家發展中，做唔做到男友就要多啲時間了解，佢知道係新聞造出嚟！」

至於嘉穎則表示不知與Jenny同場，問到翻撻傳聞？他說：「咁得意？我諗中間一定有誤會。（仲有冇聯絡？）佢有SMS恭喜我攞到視帝。」他又澄清與佘詩曼沒有復合：「將來會發生咩事冇人知，但呢一刻唔會。」

徐靖雯與「舊愛」鄭嘉穎撞到正仍大方合照，未見尷尬。