無綫高層樂易玲早前曾與冼國林開記者會宣布「放生」馬德鐘，她昨日出席活動時被問到冼國林再開記者會「放生」陳浩民一事，但她笑言未有留意：「應該喺mytv直播嘛！」她覺得圈中人應守望相助，前輩亦要以身作則：「唔好因為一時輕狂而自毀前途，男、女藝人都唔好因為離開香港就玩到癲，造成傷害就唔好啦！」曾於網上鬧爆陳浩民與馬德鐘的王晶昨日亦表示沒有留意道歉報道，得知冼國林接受道歉時說：「咁咪好囉！佢OK咪得囉！（呼籲浩民日後有咩要做？）佢咁大個人自己明啦！」
樂易玲指藝人是公眾人物，玩樂時切勿樂極忘形。
