JM戲假情真戀上對手

黎明愛將文詠珊（Janice Man）近年進軍影壇，她自爆曾戲假情真戀上對手，未知剛甩拖的她會否再度情陷戲中人，展開新戀情呢？前晚Janice Man（JM）出席隱形眼鏡活動時透露，她14歲開始化妝，更不時偷戴母親的有色隱形眼鏡，但亦曾因佩戴隱形眼鏡而差點出事：「試過連續戴咗三十幾個鐘開工，之後對眼直頭開唔到，停工停咗兩個星期。」她又稱聖誕期間要宣傳新片，而新片上映當日剛好是其生日（12月29日），問到會否大事慶祝？她說：「人大咗都唔想大搞，淨係想約啲好朋友慶祝。」

否認與前度同居

首次單身過生日，問她是否想快些結識新男友？JM笑說：「呢啲嘢唔急得，要睇感覺。（揀行內人？）呢個問題好複雜！」其後，她自爆曾因拍戲太投入，戲假情真：「試過對對手有感覺，雖然好快就冇，但都要學識抽離！」

此外，JM堅稱並非跟前男友同居，只是住在同一屋苑，但又表示想搬屋：「我有自己屋企，不過我都想搬，但冇時間睇樓。（撞到會尷尬？）唔會，都識咗咁耐。」