卓羲馨予奉旨拍床戲

無綫小生吳卓羲公開內地女星張馨予的女友身份後，據知二人將有機會合演賀歲片，曾志偉昨日亦笑說：「可能要搵一張床贊助先得！」

無綫小生吳卓羲遭內地女星張馨予上載床照後，迫於無奈公開其女友身份！據知，他們將有機會合作演出賀歲電影《2012我愛HK喜上加囍》，戲中卓羲將飾演舞蹈員。

曾志偉昨日出席活動時透露，張馨予仍未拍完戲份，問到卓羲會否客串？他笑說：「佢（張馨予）係『家屬』先邀請佢拍，諗唔到大家最有興趣係佢！（性感演出？）冇乜！」他笑言不知卓羲是否肯與張馨予同場：「要睇吓安排邊場畀佢，可能要搵一張床贊助先得！（搵林峯頂上？）佢都會客串o架！不過潘霜霜唔嚟咋嘛！」

另一邊廂，最近有指卓羲日前出席梁靖琪（Toby）的婚宴之後，與林峯等到私人會所作樂，昨日他與楊怡、劉松仁、馬賽及朱晨麗等出席新劇《名媛望族》開鏡時直認：「我冇去Toby度，不過同林峯去咗卡啦OK。（私竇有其他嘢玩？）嗰度係我朋友開嘅，全男班冇女仔，冇乜特別嘢嘅！」

撐女友唔野蠻

對於張馨予與前男友的情慾照於網上瘋傳，卓羲表示之前已經看過：「每個人都有過去。（傳佢結過婚？）唔係事實！」對於被指「怕女友」，他說：「唔係怕，呢啲叫尊重！（野蠻女友？）唔係嘅！（好溫馴？）又冇咁極端！」問到二人是否拍拖？他指要先調節一下心情。