祖兒騷玉背請食火辣雪糕

容祖兒（Joey）前晚出席《2011勁歌金曲優秀選第三回》，在寒冬中以大露背示人，更在台上與古巨基互摸，笑言喜歡吃雪糕的她，也要請大家吃冰淇淋！

祖兒前晚無懼寒冷天氣，大騷玉背，請Fans吃冰淇淋！憑《花千樹》獲獎的她，談到何韻詩暗示拒亮相叱咤頒獎禮：「佢比較硬頸，我儲緊勇氣同佢講，歌手出席係對樂壇嘅支持，我積極鼓勵朋友出席。（你首《牆紙》候選角逐叱咤我最喜愛歌曲？）《牆紙》同《花千樹》情感性質唔同，證明我眼光冇錯。（黃偉文喺微博鬧人？）朋友搞到我都敢言埋，但我係中和劑。」憑《水百合》獲歌曲獎的王菀之也替阿詩講好話：「佢心地好好。（叱咤不公？）歌手唔會諗公唔公平。」

草蜢預告轉成員

而草蜢憑《華麗舞台》奪歌曲獎，蔡一傑說：「我哋同曾志偉、陳百祥會做《勁歌》總選主持，暫時未收到其他邀請，應該只會出席呢個頒獎禮。出年27周年，1月1日公布新搞作，話唔定成員有變！」而鄭欣宜與林欣彤（Mag）同被視為今屆新人獎大熱，欣宜說：「一直欣賞Mag，我入到三甲都開心！」