JC速嗒鬍鬚男攬實返閨

自言過去四年未曾單身的「警鐘模」Jessica C.，與Sergio分手四個多月，近日被本報發現覓得新歡！新歡是年約三十餘歲的韓籍攝影師，連日來到訪JC香閨及相約撐枱腳，臨別時更在街頭依依不捨又拖又攬！

混血女模Jessica C.與巴西籍男友Sergio拍拖以來，不時被拍得當街咀嘴，甚至情侶檔拍住上行騷搵銀，愛得癡纏！正當以為兩人打風都打唔甩之際，JC為事業經常離港工作，與男友聚少離多，令感情轉淡。今年十月初，JC在活動上暗示男友有小三，並承認兩人已分手兩個月，並表示日後要搵個成熟的男朋友。

甩拖不久，JC於今年十月爆出涉嫌盜竊罪被警方拘捕，並帶返警署接受調查，豈料一波未平一波又起，其後再爆出疑似淫片，令JC受到雙重打擊！早前JC秘密返港，被本報獨家拍得告解懺悔。現已重新投入工作的她，近日被發現與一位年約三十餘歲、面上留有鬍子的成熟男士來往甚密！

開餐Sweet

上周五約晚上7時，JC與新歡在香閨附近餐廳開餐，兩人有講有笑，十分投契，JC又不時望着對方甜笑。醫肚後，兩人被記者撞破好事，即時分道揚鑣，JC往寓所附近取回愛犬返家，而男方則獨自步行返回大坑寓所。

事隔一日，晚上七時許，又見JC與新歡步出香閨到附近餐廳歎咖啡，逗留個多小時，雙雙乘的士往九龍一個商場睇戲。直至凌晨十二時，他們乘的士返回JC家樓下，落車後，JC依依不捨主動與新歡當街攬攬，表現癡纏，而新歡目送JC上樓後，自行步行離開。

相識一年

昨日本報記者致電JC，問到該「鬍鬚男」是否新歡？她表示對方是一位韓籍時裝攝影師Dan，但例牌否認戀情：「唔係！我哋只係朋友。」問到有否覺得對方追求？JC即扯開話題說：「我哋成日都約出嚟飲吓嘢、食吓飯，Ana R.都同佢好熟，我哋已經識咗一年。」而JC的經理人同樣表示兩人是朋友，對於男方經常出入JC香閨，經理人說：「因為Ana R.唔喺香港，佢（『鬍鬚男』）代Ana R.照顧JC。」