歌手吳彤（Denis）近日推出新碟《諷刺的生活》，成績理想：「隻碟打入全港統計嘅銷量流行榜第十位，個榜計埋中、港、台、外地嘅碟，所以真係好開心！」問到家人可有稱讚，他卻說：「屋企人一直唔支持我做娛樂圈，家姐成日叫我轉行，話我啲歌唔好聽。（好Hurt？）有啲，不過佢今次竟然周圍叫朋友買我隻碟，好感動。」他又自爆有一男一女歌迷各買了八張新碟：「個男仔仲買晒我代言嗰隻耳機所有款，每個都要成千蚊！（佢鍾意你？）欣賞我嘅音樂啫！」
吳彤今次出碟，最開心是終獲家姐支持。
