陳豪黃德斌冒險搬殘酷入屋

陳豪與黃德斌合演的劇集自播出以來得到不少回響，故事揭示極端人性、殘酷現實，有人坦言「睇唔明」，深明此劇與一般電視劇題材有異的陳豪，希望能藉此予觀眾不同的視野。

自播出以來，《天與地》最為人談論的莫過於第二集上映的「食人」情節，雖然沒有直接的血腥鏡頭，但意識大膽直接向電視劇尺度挑戰。主角之一的陳豪認為這是「非一般」劇集，直言希望從中能擴闊觀眾視野，但同時亦擔心觀眾抗拒：「其實係有啲爭議性嘅，不過唔會喺呢方面着墨過重，怕令人反感，只係個氣氛比較重要。」

故事始於18年前的食人事件，劇中各主角命運及性格因而改變，劇中形象較壞的陳豪卻自辯非奸角：「套劇好寫實，人喺唔同時候會有唔同面，呢個世界唔係非黑即白，你會感覺到人有好多唔同選擇，係比較複雜，好人會有衰嘢，衰人亦會有好嘅一面。」

陳豪與黃德斌一再強調劇集的寫實性，而飾演好男人的黃德斌除了失明，還有一連串悽慘經歷，他說：「睇到啲情節，你會感受到現實嘅殘酷，有啲嘢係冇得揀！」在旁的陳豪補充：「所有感情都有缺口，亦表達到最愛嘅人永遠唔會喺你身邊嘅嗰種無奈，令感覺更加強。」

率先爆結局

劇集借用著名樂隊Beyond的歌曲，加強說服力，劇中夾Band的陳豪、黃德斌及林保怡亦以「嶄新組合」合唱片尾曲，陳豪更率先爆結局，會以一首歌作結：「件事由音樂開始，再由音樂終結，有種微妙關係，可以完整到成件事。」