馮允謙同學面前唱歌追女

《超級巨聲3》參賽者馮允謙（Jay）在比賽中勇奪亞軍，他希望明年有機會出碟做歌手，提到今年的聖誕節，他最開心是媽咪及孖生弟弟陪他來港比賽。

熱愛音樂和作曲的Jay，由加拿大返港參加《超級巨聲3》比賽，雖然看不懂中文，但仍接受評判建議嘗試國語歌及廣東歌，最終獲得亞軍，他說：「開頭真係冇諗過入到18強，真係覺得自己好幸運，攞到亞軍已經好開心！（下一步做歌手？）同TVB簽咗約，希望下年可以出一張屬於自己嘅專輯！」

Jay坦言明白香港的市場需求，會積極學中文：「其實我好鍾意聽國語歌，香港歌手就好鍾意陳奕迅同方大同，我會畀心機學中文，中、英文歌都會發展！（有冇作曲畀女仔？）冇女朋友，但以前有試過準備晒玫瑰花同埋小禮物，喺全班同學面前唱歌畀個女仔聽，呢招都幾Work，不過唔可以個個都用！哈哈！」

望一家同度佳節

提到聖誕節，Jay笑言獲得亞軍已是最大的聖誕禮物，加上媽咪及孖生細佬為陪他參賽而由加拿大回港，令節日更添溫暖：「爸爸、媽咪因為工作成日都要分隔兩地，依家媽咪嚟香港，咁我哋一家人仲有更多機會見面！真係好開心！」