張兆輝娥姐床戲無福消受

入行多年的張兆輝與商天娥首度合演對手戲，二人笑言將全副「彈藥」派上用場，不過張兆輝坦言與娥姐拍床戲無福消受，因又凍又大塵。

已進軍大銀幕的張兆輝，睽違十年再回巢拍劇，與商天娥在處境喜劇《結．分@謊情式》飾演夫妻。雖然入行多年，但他們竟是首度合演對手戲，輝哥說：「我哋儲埋咁多年嘅『彈藥』，依家咪一次過拎出嚟用，好有火花！（相逢恨晚？）唔會，我哋仲咁年輕！」談到「床上戲」，他坦言無福消受：「你估好爽呀？啲睡衣咁薄、個廠又凍、被鋪又有塵，哈哈！」

謝絕飛來蜢

談到現實生活中的「飛來蜢」，輝哥自嘲「成碌木」：「黐我呢啲木頭冇用o架！黐監製同導演好過啦！（傳你有幾千萬身家喎！）我好孤寒o架！我老婆都未驚過。」而娥姐亦力撐老公擔屎唔偷食，但亦指拗撬在所難免，輝哥說：「我一早已經明言唔可以成日將『離婚』掛喺嘴邊，費事講咗收唔番。」

對於與新演員鬥戲，娥姐與輝哥直言挑戰耐性：「NG梗有o架喇！惟有就吓囉！」輝哥續說：「TVB搵咗我好多次，自己都推到唔好意思，加上仔女又話想睇我上電視，時間夾到咪拍囉！」