佘穎冇偈傾死撐唔尷尬

鄭嘉穎、佘詩曼、陳法拉及樂易玲等昨晨赴新加坡出席《第十六屆亞洲區電視大獎2011》頒獎禮。佘穎雖然「冇乜兩句」，嘉穎與法拉較好傾，但兩人強調絕無尷尬，更稱在梁靖琪婚宴上很好傾，嘉穎說：「大家係朋友，冇尷尬。」阿佘則說：「佢攞視帝，我即刻恭喜佢，我好支持佢，我哋一路都係朋友。」阿佘透露昨晨才知嘉穎炒車：「放心，佢個人咁旺！」而嘉穎坦言對亞洲視帝有一點信心，但指即使再做視帝亦不會加酬勞：「小弟搵兩餐o架咋！仲加？冇人搵o架喇！」

阿佘被指與前緋聞男友吳卓羲去梁靖琪婚宴的After Party，她說：「我證明佢（吳卓羲）冇去Party！但好奇怪，自己微博密碼點解畀人，我對科技好低B，微博係私人嘢，我唔會畀密碼人，真正來龍去脈我唔知，不便發言！」

此外，模特兒徐靖雯昨日出席活動時坦言，已發短訊恭賀前緋聞男友鄭嘉穎奪視帝，但不會相約吃飯。她不知道嘉穎炒車，希望對方開車小心。對於張馨予潛入吳卓羲微博，她則不作評論。