卓羲認曾拍拖撐行張馨予

內地女星張馨予以無綫小生吳卓羲（Ron）微博戶口上載「床照」，間接公開二人關係！Ron昨晚大方承認與張馨予「拍過拖」，更處處維護！

有「內地乳牛」之稱的張馨予，日前「借用」緋聞男友Ron微博上載「床照」，惹來全城「羲迷」圍插！前日因病缺席新劇宣傳的Ron，昨晚8時許終於開工，神情輕鬆的他心情靚爆，甫到場即向家人及粉絲致歉，並澄清自己於女方上載照片時不在場：「我去完梁靖琪婚宴之後，去咗第二度飲到凌晨4、5點，返到屋企見到張相都嚇咗一跳，所以即刻刪除咗！」

冇考究點解Po相

問到是否與張馨予拍拖？Ron直認不諱：「我係同佢拍過拖！（分咗手？）畀啲空間我哋！（憤怒？）事後我有打電話了解，佢都承認自己做錯，仲道咗歉，我都原諒咗佢！（Po相想你關注佢？）冇考究，總之佢都認咗錯！」談到女方不時借微博「洩密」，Ron諒解她入行時間短，未能了解嚴重性：「佢已經好後悔。」並呼籲粉絲勿再為此勞氣。

對於有指張馨予因他與緋聞舊愛佘詩曼出席派對而呷醋？Ron說：「唔關事，佢知我去婚禮，張相都唔係喺我屋企影，佢當時喺內地工作！」又力撐她絕非醋埕：「佢之後會來港拍戲，希望大家唔好逼佢，佢仲係新人！」他強調會改密碼免重蹈覆轍，並笑言沒有將銀行戶口密碼告訴馨予：「畀佢撳晒啲錢咪大件事！」

拒透露銀行密碼

Ron昨晚發表了護「馨」宣言後不足1小時，張馨予用回自己的微博發功，並指事件只是一個不小心，着大家不要大驚小怪，又表示只是「登錯帳號」，但都自言知道外人不會相信，亦叫大家不要咄咄逼人！不過，張馨予的自辯引起網民極大回響，指她是司馬昭之心！據知，她將會來港拍電影。