祖兒打拳狂操迎戰頒獎禮
樂壇天后容祖兒（Joey）近日積極備戰，以打拳來操Fit身形，希望在本月底舉行的《勁爆頒獎禮》以最佳狀態示人。她還「開大餐」補充體能，不時在微博上載相片分享，心情大好。
Joey今年成績理想，歌曲《花千樹》播放率極高，日前接受新城DJ李國能訪問，透露《花》能觸動其心靈：「呢首歌嘅內容係人生必經階段，無論係友情、愛情或家庭，會面臨好多選擇，做人應該珍惜眼前所有，因為過咗就冇。」她還表示陳奕迅（Eason）歌曲及聲線亦能感動她：「Eason嘅《陀飛輪》係講時間嘅重要，唔同人生階段，對時間有不同睇法。我慶幸入行咁多年，能夠把握好自己嘅青春，了解時間重要性，為事業努力。」
祖兒最近忙於打拳Keep Fit，望以最佳姿態領獎。
祖兒接受李國能訪問時表示，《花千樹》能觸動人心。