丘凱敏開聖誕P色放艷光

今個聖誕，靚女主持丘凱敏（Anna）誠意邀請星級形象指導Ricky Kwok（郭慶彬）教授出席派對的扮靚貼士，擔任模特兒讓對方打造成派對女王！Ricky奉勸女孩們要「色」得揀，切忌以黑掛帥！

星級形象指導Ricky為把Anna打造成為派對女王，今次刻意揀選了一套金光閃閃的連身裙給她，Ricky說：「既然要做女王，當然要金色咁Luxury（豪華）嘅顏色先襯Anna！聖誕節係喜慶節日，我建議大家應以紅、綠或者金嘅鮮艷顏色作為主打！」Anna笑言要多謝Ricky的心思，令她金光閃閃靚絕全場：「我平時係一個懶人，如果要出席派對，好多時我嘅衣着都係以黑色作為主色，冇乜新意！」Ricky立即提示今年聖誕大家切勿以黑掛帥：「差不多八成女仔都鍾意選擇着黑色，但咁會好悶，而且令到成個Party都變得黑沉沉、冇厘生氣！就算着黑色，都一定要襯啲較誇張、鮮色嘅飾物。」

踢爆懶護膚

Anna與Ricky因合作now電視台的扮靚節目《女皇駕到》而變得老友鬼鬼，攜手合作教授觀眾扮靚之道。Anna坦言可以從Ricky身上偷師而變得更靚更潮，但踢爆對方原來平日懶於護膚：「今年聖誕我會送護膚品畀Ricky，因為佢平時漠視護膚嘅重要！」Ricky則回應：「我平時真係唔用護膚品，淨係用水洗面，哈哈！」