C AllStar聖誕神秘獻唱

向來主意多多的組合C AllStar，去年平安夜突然到尖沙咀唱聖詩，今年聖誕亦有新搞作，但時間、地點則暫時保密，以保持神秘感！

曾在旺角街頭演出的四人男子組合C AllStar向來喜歡在街頭獻唱，去年平安夜更突然到尖沙咀唱聖詩，今年聖誕亦不例外，他們打算來個突擊表演，但時間、地點暫時保密，保持神秘：「其實聖誕係好開心嘅節日，上年我哋喺尖沙咀條街唱聖詩，唱到最後畀警察趕！」本月底他們會舉行音樂會，釗峰說：「因為喺聖誕嗰排搞，所以會用聖誕做主題，想到時同觀眾搞個全場大合唱！」

平常心面對頒獎禮

組合成員on仔及Jaze仍在求學階段，實習做社康護士的on仔將要投放多些時間在學業上，他說：「因為實習要用好多時間，一日要八個鐘，所以年尾同下年年頭可能好多活動都出席唔到。」提到有份競逐即將舉行的多個音樂頒獎禮，他們表示會盡量出席，但攞獎與否都以平常心面對，阿King說：「成個行業要嘉許嘅人好多，個個攞都值得，如果真係攞到獎係個肯定，同埋係一個多謝幕後製作嘅機會！」