阿旦追訪巨星唔怕食謝檸檬

進軍娛樂主播界的「E Cup教主」鄧伊玲（阿旦）與「o靚模狀元」蔡瑩瑩（Ivy），坦言可以寓工作於娛樂！鄧伊玲直言可乘機見偶像及訪問巨星，蔡瑩瑩則希望做主播可以衝出香港，跟國際巨星交手。

早前參加娛樂主播比賽踩入主播行列的阿旦與同門的Ivy，一同簽約收費電視擔任娛樂節目主播，兩人能訪問不同明星開心又興奮，阿旦說︰「之前我哋出活動都係畀人訪問，但依家有機會訪問明星同偶像梗係開心！入行嗰陣想做全方位嘅藝人，覺得香港好少呢類藝人，反而台灣同日本都多。」

蔡瑩瑩望「跑國際」

至於Ivy對於能「跑新聞」感雀躍，她說︰「出去跑新聞，體會到傳媒辛苦一面，一直好佩服佢哋，都想感受吓！今次參加呢個比賽都係以享受性質，能夠入圍當然開心！」問到最想訪問哪位藝人？阿旦最想一睹舒淇的風采︰「我好欣賞佢，因為佢喺呢行有好多唔同嘅經歷，捱過後先有依家嘅成績，所以想佢分享吓。（最想接觸訪問邊位男藝人？）希望同謝霆鋒接觸，之前佢經歷唔少新聞同風波，我成日講人聽要有Power同實力先問到啲紅星嘅內心世界，加上佢係個好有性格嘅藝人，所以想挑戰自己，我諗唔會食檸檬啩！」

相反，Ivy希望衝出香港，跟知名的荷里活國際巨星做訪問，她笑說︰「我想同外國明星做訪問，如果有機會見足球明星卡卡就最好！雖然佢唔係演員，但佢又靚仔又係好男人，有咁嘅機會真係會開心到瞓唔着！」