陳倩揚貪靚明年先諗再生
今個聖誕節將會是港姐媽媽陳倩揚過得最特別一個，因為首年與兒子過節，她說：「有好多Party要去，會幫囝囝打扮吓，但男仔發揮空間有限。（慳唔少？）其實要多謝贊助商，慳咗置裝費、奶粉、尿片同BB用品。」雖然兒子出世後再冇二人世界，但亦享受三人行。
倩揚分娩後擔任纖體代言人，身形更弗，卻鬧出笑話：「有次我去入油，職員見到我車內有BB車，佢以為我得20歲女，問我點解咁細個就生BB！（追多個？）都會呀！但畀我靚一陣先，出年先Plan。」她又指在囝囝面前不能有太多小動作及亂說話：「有時連抓痕都唔得，每個動作都要過濾。」
陳倩揚收身後比分娩前更索，難怪鬧出笑話。
雖然倩揚誕下兒子後沒了二人世界，但更享受三人行。（資料圖片）