女歌手張靈（Miya）最近被睇中擔任禁毒大使，並落區為市民檢查健康狀況，親力親為勁投入，她說：「我覺得藝人有使命做善事，加上細個都好多病，更加明白健康嘅重要性，希望幫到多啲人！」
最近，Miya經常到學校做騷，令她想起求學時期的趣事，自爆當年經常參加歌唱比賽，身為風頭躉更不乏男同學追求：「我中一已經開始拍拖，都幾早熟！但我唔會掛住拍拖唔讀書，仲會叫埋男友一齊溫習，所以佢媽咪都好鍾意我。」她笑言將來必定是個開通母親，會跟子女好好溝通，不反對談戀愛之餘，更會關心子女另一半。
身為禁毒大使的張靈為市民檢查健康狀況，大打「親民牌」。
