Tom內疚密吸金養家

樂隊Mr.成員Tom（杜志烜）大方暢談初為人父感覺，勇敢承認曾為「小朋友」掙扎，幸得老婆「陽光妹」何思諺（Leanne）開解及打動，最後決定誕下愛情結晶品。

樂隊Mr.鼓手Tom日前接受本報專訪，問到明年榮升爸爸的感覺？他說：「知道嗰刻有少少接受唔到，好突然！仲諗隊Band點算，大家仲搏殺緊，有少少自責！（接受唔到係想『落咗佢』？）同老婆傾咗好多日，佢一直安撫我，亦令我諗通好多嘢。」Tom坦言老婆的一句「我為咗你放棄好多」而感溫暖：「嗰刻真係毛管戙，但知道大家好愛對方。」

朗誦畀BB聽

由於Tom父母已離婚，令他害怕兒子會步後塵，Tom說：「始終我爸爸同媽咪離咗婚，但我相信同Leanne之間嘅愛情係好堅定，唔會影響到小朋友，所以冇再諗其他嘢。」他還透露每晚會朗誦給BB聽：「會摸吓老婆個肚，因為唱歌唔好聽，所以朗誦畀BB聽。」問到經濟會否有壓力？Tom說：「收入仲可以接受，同埋睇吓你點養嘅啫！」

問到今次有否被唱片公司老闆責罵？Tom說：「冇啊！老闆反而好開心仲恭喜我，問我係咪真添！」愛情事業兩得意的他表示，唱片公司已為Mr.入紙紅館申請明年檔期：「佢有同我哋講，所以我哋要做多啲好歌，因為Mr.嘅口碑係唱Live。」