謝安琪媽咪當大新聞

無綫跟四大唱片的風波看似將要平息之際，謝安琪（Kay）等環球唱片歌手昨日為明年舉行的音樂會開記者會，卻不見無綫記者到場，更有指Kay要一擲30萬元在無綫賣廣告，才能在無綫亮相！

吳雨霏、張敬軒及Kay等昨日為明年3月舉行的《Re-imagine Leslie Cheung音樂會》出席記者會，依然不見無綫記者到場採訪，在場的環球唱片董事總經理黃劍濤被問到會否覺得無綫小器？他說：「唔會，我哋通知晒所有媒體，知道無綫攝製隊唔多。（同無綫關係點？）已經開始做嘢，都度緊人出席《歡樂滿東華2011》。」

本報日前披露Kay為宣傳明年演唱會，最終要一擲30萬元落廣告才能在無綫出現，對此Kay說：「多謝主辦單位咁錫我，媽咪見到廣告即刻打畀我，佢當大新聞咁睇。（你當年係第一個唔接受無綫訪問嘅環球歌手？）呢個誤會咗好耐，我唔係第一個。」而將缺席無綫頒獎禮的軒仔說：「去都冇意義，因為過去一年都冇派歌，特登做表演就勉為其難。」

Kary提緋聞甜笑

此外，Kary被指因與林子祥囝囝林德信撻着，令緋聞男友周柏豪呷醋，故二人同場亦不肯合照，她否認：「兩個都係朋友，依家真係有啲驚，唔想緋聞影響事業，我隻新碟有金唱片銷量。」記者笑言她事業愛情兩得意，Kary冧笑說：「咩呀？求你哋唔好再問啦！」