Mr.末日Band騷Rock爆倒數

Mr.今年除夕夜首次聯同其他香港樂隊Jam歌倒數，挑戰太極樂隊的經典名曲《紅色跑車》，與粉絲Rock住倒數新年，Mr.揚言這是「末日前」最後一場大型Band騷！

男子組合Mr.在除夕夜與組合RubberBand、太極樂隊及Kolor於亞洲博覽館舉行《狂熱搖滾˙除夕倒數演唱會2012》，問到今次音樂會的新主意？主音Alan說：「我哋會唱《紅色跑車》，覺得首歌特別勁。」他們大賣關子表示不可以透露選曲名單，保留多點神秘感。

機會難逢

問到今次新年倒數的衣着風格，他們笑說：「我哋鬥Rock！鬥紅！費事畀其他人偷橋！好想同每隊Band合作，好似返番去以前嘅《勁Band Super Jam》咁，咁多個男人同台勁唱係好難得嘅機會。」

Mr.表示今年倒數將會別具意義，他們邊笑邊說：「好多人話明年係世界末日，樂迷唔好再花時間去海旁或者出街Hea，應該入場睇我哋，因為呢次可能係末日前最後一次嘅Band界大匯演。」

他們期待在演唱會中與粉絲互動：「我哋唔擔心觀眾嘅反應，我哋會揀貼近觀眾嘅歌，聽到歌詞會會心微笑，觀眾有共鳴，就一定會有好反應。」