黃偉文恭喜千嬅幫手改名

前晚與蔡依林出席時裝活動的黃偉文透露，已宣布解散的Swing將會為他的個唱重組一晚：「好感動，我都冇請佢哋，費事令佢哋為難，點知有日Eric Kwok畀咗個短訊我，話願意為我復合一晚。（搵咗楊千嬅未？）儲緊勇氣，最近知佢家有喜事。（Kelly會演出？）Kelly話好有信心可以喺（佗B）七個月時如履平地，不過都要到時再睇情況，最緊要係母子平安。千嬅反而未溝通過，可能第一任媽咪會緊張啲。如果佢想搵人幫囝囝或囡囡改名，我可以畀佢一個Offer，我都好開心，冇諗過咁快，依家隔空恭喜佢。」他坦言因太忙而未有親自致電恭喜千嬅。

黃偉文感激Swing為他的個唱重組一晚。