祖藍扮朝偉 「嘉玲」踩場

「福祿壽」阮兆祥、王祖藍和李思捷明年二月首度殺入紅館舉行《那些年,爆笑不離3兄弟》演唱會，暫定開一場，昨日三子在記者會上分別扮演搞笑版盧廣仲、梁朝偉及張學友。早前祖藍因把「涼朝偉」造型上載微博，嚇了劉嘉玲一跳，昨日他獲「假嘉玲」金剛撐場兼大嗌老公，嚇得他說：「唔只嚇親嘉玲，仲嚇親埋朝偉！」而金剛則憑半鹹淡廣東話出位，把「總裁」說成「蠢材」、機構說成「雞竇」，全場爆笑！此外，祥仔指曾聯絡嘉玲：「佢話生日會帶埋祖藍扮偉仔張相畀佢睇！」祖藍自言變了生日禮物。

金剛（左）戴上面具扮嘉玲，與扮朝偉的祖藍「鬥假」。

李思捷（左起）、王祖藍及阮兆祥分別扮張學友、梁朝偉及盧廣仲，維肖維妙。