郭富城奉子成婚冇所謂

郭富城昨日為有份參與設計的裝飾主持聖誕開幕，忙於綵排個唱的他透露，由於舞蹈比以往難度高，不少舞蹈員受傷，自己亦買重保險：「之前喺呢度（Sky 100）拍戲，真係畀360度嘅香港景觀吸引。佢哋邀請我設計，完成咗我一個夢想，同時喺全港最高嘅大廈同紅館擁有自己嘅舞台。（帶阿媽同另一半嚟？）會帶阿媽。（女友？）身邊朋友自己識嚟啦！」

此外，最近不少圈中人傳出「有喜」，問到城城有否計劃人生大事？他說：「呢個時候唔分心諗呢啲，知道大家都好關心，現階段我好珍惜喺舞台上演出，唔使擔心．等個天安排。（生咗先結？）冇所謂，我與時並進，思想唔守舊。」

郭富城主持聖誕開幕禮時透露，已為個唱演出買重保險。