影星古天樂（古仔）昨晚現身尖沙咀主持聖誕亮燈儀式，提起聖誕節，古仔表示年少時會約埋同學睇燈飾，更藉此追女仔：「聖誕時會約埋隔籬班嘅女同學一齊睇燈飾，通常都會喺五支旗杆下面等。」被問到曾否「食檸檬」，他說：「有呀！約完個女仔過聖誕，諗住再約佢過元旦，但就被拒絕！」另外，古仔又分享慘痛的送花經歷：「試過喺成班同學面前送花畀女仔，點知個女仔隨手扔入垃圾桶！」昨晚他為一棵九米高、以朱古力糖果製成的聖誕樹揭幕，現場有數十名市民圍觀，古仔更與市民握手，場面墟冚。
古天樂出席活動時吸引巿民圍觀。
