Toby含淚封胸 晒兩卡鑽戒

梁靖琪（Toby）和黃敏豪（Aaron）昨日舉行盛大婚宴，到場賓客星光熠熠！在接新娘時，新郎哥Aaron和兄弟團要過五關斬六將，才抱得美人歸，最後令封胸的Toby眼濕濕。

梁靖琪和黃敏豪昨晚假洲際酒店筵開53席，星光雲集，而Toby的姊妹團包括湯盈盈、佘詩曼、郭少芸、文頌嫻、鄧穎芝、周家蔚、鍾麗淇、姚樂怡和唐詩詠等，她們以紅裙亮相；至於兄弟團則有林志穎和鍾漢良等。

生仔順其自然

早前Toby影婚紗照時性感谷胸，但昨晚卻收起性感，以白色長袖密實婚紗示人，她還大晒兩卡鑽戒，一對新人還情深咀嘴，十分甜蜜。專職做「婚禮籌劃」的Toby表示搞婚禮絕不容易，問到為何做密實新娘？她笑說：「等啲人估唔到嘛！（造人計劃？）順其自然，我忙到連蜜月都係下年六月先去。」

新郎Aaron則與鍾漢良和「童顏爹哋」林志穎受訪，問到接新娘時是否難度高？Aaron說：「預咗，滿頭大汗，塊面變綠色，因為飲咗杯好難飲嘅嘢。（準備做爹哋？）OK呀！」問到林志穎有否傳授湊仔經給一對新人？他說：「等佢生咗先再教！（有冇帶老婆仔仔嚟？）秘密。」

遊戲玩殘兄弟

另外，昨日接新娘時，姊妹團準備了怪味Welcome Drink、下身掛腸仔及絲襪笠頭等遊戲給新郎和兄弟團。愛郎心切的Toby曾一度叫姊妹別玩得太癲，但姊妹團懶理，不過新郎仍預備了重量級開門利是給姊妹團，湯盈盈說：「總之大封過台慶獎金！」

談到Toby在接新娘時感動至眼濕濕，盈盈笑說：「梗係，手上面太多金（指龍鳳鈪）。」郭少芸就大爆新郎宣讀愛的宣言時，講到「以後唔溝女」就一度口窒，場面惹笑。此外，Toby婚前依照傳統習俗「上頭」，並在微博留言指自己「大個女」。