前阿嫂栢芝見得5次
以前對香港娛樂圈毫無認識，所以唔知王菲有幾紅、幾大，好記得當年哥哥同王菲拍拖，拖手嗰張相成為雜誌報紙焦點，當時好多朋友話我聽，但我只係覺得一對情侶拍拖，拖手出街真係好正常，唔覺得有幾大件事，只係Confirm咗呢個係我哥哥嘅女友咁簡單，唔會諗兩個嘅年紀差距，拍拖就係拍拖！
不過可以講個小秘密，就係我好細個時，有同哥哥去睇王菲演唱會，好深刻係王菲喺台上面Fing來Fing去唱《夢中人》。後來有次喺香港街頭撞到王菲，當時我唔知佢仲係咪同哥哥一齊，當王菲行過我身邊時，我都冇為意，直至佢行遠咗，我先醒起嗰個係佢。
至於栢芝，我以前都講過，佢係我阿嫂，所以我會愛哥哥咁愛佢。我真係同佢唔熟，可能加埋只係見得五次，我只知佢好錫一對仔，其實我平時連自己屋企人嘅事都唔係好知，有時間都會了解屋企人多啲。
婷婷（左一）承認與栢芝不熟，但仍像愛哥哥般愛她。