藝員陳浩民太太蔣麗莎日前誕下女兒，並於昨日出院，蔣麗莎說：「浩民細心呵護我，希望佢唔好離開我！」對於陳嘉桓經理人冼國林疑遭人尋仇，浩民坦言從經理人口中得知此事，問到可擔心令人有聯想？他說：「與我無關！清者自清，件事都唔關我事，我係個普通人，只能抱平常心，我仲可以做啲咩？（擔心人身安全？）擔心就連街都唔出啦！會慰問冼師傅。」至於陳嘉桓就於內地被無禮攬錫在香港報警，問到可擔心警方邀他錄口供？浩民說：「我唔諗咁多！」浩民經理人指警方還未聯絡他們。
浩民接妻女出院，全程笑笑口。
