祖兒撥大葵扇捉Sa霆合照

歌手蔡卓妍與男友陳偉霆雖已公開戀情，但昨日出席活動時依然玩避忌，結果師姐容祖兒睇唔過眼，變身「紅娘」拉攏小情人合照！

容祖兒及古巨基昨晨率領英皇藝人Twins、鍾舒漫、泳兒及林欣彤等出席「紙鳶有愛」慈善紙鳶活動，一班藝人準備放的巨型紙鳶多次試飛失敗，全場不停大笑。而蔡卓妍（阿Sa）與男友陳偉霆（William）刻意玩避忌，台上台下均貌合神離，結果由「電燈膽小姐」祖兒出馬，拉攏二人合照！相反，曾傳緋聞的林欣彤（Mag）與陳家樂則不避嫌傾偈！

對於好友何韻詩跟黃宗澤為新片於街頭激吻，祖兒說：「咁威水？旺角人海入面咀會好尷尬，勁呀！我套《DIVA》都拍晒，應該唔會打對台！（有冇佢咁激吻？）我同胡歌唔係咁做法，不過我睇完佢張相，唔係好激啫！」至於基仔則透露已接下不少工作，預告有可能缺席部分頒獎禮，問到可擔心「唔去冇獎」？他說：「參與過咁多年，唔會太緊張喇！」

阿嬌床上戲曝光

另外，Twins於網上電台頒獎禮狂掃3獎，對於再次入圍華鼎獎，鍾欣桐（阿嬌）說：「一直鍾意做戲，將來會繼續喺內地接戲。（身價十幾萬一集？）我唔知收幾錢呀！」而她在內地拍攝的《武則天秘史》劇照曝光，包括露肩的床上戲，在拍檔劉曉慶、秦海璐及余少群的影響下，她的演技大有進步。