林嘉欣心郁郁生多件

林嘉欣昨日出席慈善義賣日時分享湊女喜悅，她透露囡囡現已13個月大：「佢好鍾意執樹葉同石頭，最近又學識同人分享，每朝六點幾就會叫醒我，一聽到佢叫我就會即刻起身唔想瞓，嗰種滿足感係從未試過！」她還心思思想生多個，並表示因想與家人團聚，加上香港及加拿大兩邊走遷就爸爸會辛苦，所以返港定居。